Header Banner
వైద్య ప్రపంచాన్ని షాక్‌కు గురిచేసిన చాట్‌జీపీటీ.. బాలుడికి కొత్త జీవితం ఇచ్చింది! డాక్టర్లు చేతులెత్తేయగా..!
Mon Apr 14, 2025 22:28 Others
వైద్య రంగంలో కృత్రిమ మేధ (ఏఐ) వినియోగం కొత్త పుంతలు తొక్కుతోంది. అమెరికాలో జరిగిన ఓ అసాధారణ సంఘటన దీనికి నిదర్శనంగా నిలుస్తోంది. దాదాపు 17 మంది వైద్య నిపుణులను సంప్రదించినా తన నాలుగేళ్ల కుమారుడికి సోకిన అరుదైన వ్యాధి ఏమిటో తెలుసుకోలేకపోయిన ఓ తల్లి, చివరికి చాట్‌జీపీటీ సహాయంతో ఆ వ్యాధిని గుర్తించడమే కాకుండా, సరైన చికిత్స అందేలా మార్గం సుగమం చేసుకున్నారు. టుడే డాట్ కామ్ కథనం ప్రకారం... అమెరికాకు చెందిన కోర్ట్నీ అనే మహిళ కుమారుడు అలెక్స్, గత మూడేళ్లుగా తీవ్రమైన ఆరోగ్య సమస్యలతో బాధపడుతున్నాడు. కోవిడ్ మహమ్మారి సమయంలో బాలుడిలో వింత లక్షణాలు కనిపించడం ప్రారంభమయ్యాయి. తరచూ పంటినొప్పి రావడం, శారీరక ఎదుగుదల మందగించడం, నడకలో సమతుల్యత లోపించడం వంటి ఇబ్బందులను తల్లి కోర్ట్నీ గమనించారు. దీంతో ఆమె మూడేళ్ల వ్యవధిలో చిన్నపిల్లల వైద్య నిపుణులతో సహా మొత్తం 17 మంది డాక్టర్లను సంప్రదించారు.
అయినా ఎవరూ వ్యాధిని కచ్చితంగా నిర్ధారించలేకపోయారు. కుమారుడి పరిస్థితి చూసి నిస్సహాయ స్థితికి చేరుకున్న కోర్ట్నీ, వినూత్నంగా ఆలోచించారు. అలెక్స్ కు సంబంధించిన అన్ని వైద్య పరీక్షల వివరాలను, ముఖ్యంగా ఎంఆర్‌ఐ స్కానింగ్ రిపోర్టులను, అతను ఎదుర్కొంటున్న లక్షణాలను వివరంగా చాట్‌జీపీటీలో నమోదు చేశారు. ఆశ్చర్యకరంగా, కొద్ది క్షణాల్లోనే చాట్‌జీపీటీ ఒక వ్యాధి పేరును సూచించింది. అది 'టెథర్డ్ కార్డ్ సిండ్రోమ్' అనే అరుదైన నరాల సంబంధిత రుగ్మత అని తెలిపింది. ఈ వ్యాధి వెన్నెముకపై ప్రభావం చూపుతుంది. చాట్‌జీపీటీ సూచనపై మరింత స్పష్టత కోసం, కోర్ట్నీ ఇలాంటి లక్షణాలున్న పిల్లల తల్లిదండ్రుల కోసం ఫేస్‌బుక్‌లో ఉన్న ఓ గ్రూప్‌లో చేరారు. అక్కడ కూడా పలువురు చాట్‌జీపీటీ చెప్పిన వ్యాధి లక్షణాలను ధృవీకరించారు. దీంతో ఆమె ఓ కొత్త న్యూరో సర్జన్‌ను సంప్రదించగా, ఆయన అలెక్స్‌కు 'టెథర్డ్ కార్డ్ సిండ్రోమ్' ఉన్నట్లు వైద్యపరంగా నిర్ధారించారు. అనంతరం అలెక్స్‌కు వెన్నెముకకు సంబంధించిన శస్త్రచికిత్స విజయవంతంగా జరిగింది. ప్రస్తుతం బాలుడు కోలుకుంటున్నాడు.
ఇది కూడా చదవండి: ఏపీ ప్రజలకు అదిరిపోయే న్యూస్.. కొత్తగా నేషనల్ హైవే.. ఈ రూట్లో ఆరులైన్లుగా - భూముల ధరలకు రెక్కలు!
అన్ని రకాల వార్తల కోసం ఇక్కడ క్లిక్ చేయండి
మీకు ఈ న్యూస్ కూడా నచ్చవచ్చు:
వైసీపీకి భారీ షాక్.. రాజకీయాల్లోకి ఏబీ వెంకటేశ్వరరావు.. జగన్ అక్రమాలన్నీ బయటకు తెస్తా..
వారందరికీ పండుగ లాంటి వార్త.. ఆ జిల్లా చుట్టూ పెరగనున్న భూముల ధరలు! ప్రభుత్వం సంచలన నిర్ణయం!
మాట నిలబెట్టుకుంటున్న లోకేష్.. సొంత నియోజకవర్గంలో మరో హామీకి శ్రీకారం!
మంత్రుల పేషీల్లో అవినీతి.. ఇంటెలిజెన్స్ నివేదికలో షాకింగ్ నిజాలు! సీఎం చంద్రబాబు హెచ్చరికలు జారీ!
ఛీ.. ఛీ.. ఏం చిల్లరగాళ్లురా మీరు.. లారీలు చోరీ చేసిన వైకాపా నాయకుడు!
మాజీ మంత్రిపై సోమిరెడ్డి సెటైర్.. ఒకవేళ జైలుకు వెళితే అక్కడ నీ ఫ్రెండ్ ఉంటాడు పలకరించు.!
దేశవ్యాప్తంగా నిలిచిపోయిన UPI సేవలు.. ఇబ్బందుల్లో యూజర్లు! ఇది మూడోసారి..
రైతులకు శుభవార్త.. వారికి రూ.10 వేలు ప్రభుత్వం మంచి నిర్ణయం.! ఈ పరిహారం ద్వారా.. వారికి మాత్రమే!
ఆంధ్ర ప్రవాసి గ్రూప్ లో జాయిన్ అవ్వండి:
#andhrapravasi #ChatGPT #AIinHealthcare #MedicalMiracle #ArtificialIntelligence #DoctorsGaveUp
Copyright © 2016 - 20 | Website Design & Developed By : www.andhrapravasi.com
andhrapravasi try to report accurately, we can’t verify the absolute facts of everything posted. Postings may contain fact, speculation or rumor. We find images from the Web that are believed to belong in the public domain. If any stories or images that appear on the site are in violation of copyright law, please email [andhrapravasi@andhrapravasi.com] and we will remove the offending information as soon as possible.